देशमा इन्धनको हाहाकार हुँदा इन्धनको मुख्य आपुर्तिकर्ता नेपाल आयल निगमको ब्यवहार भने शंकास्पद देखिएको छ । नेपाल आयल निगमका अधिकारीहरुकै निर्देशनमा बजारमा कालोबजारी गर्नका लागि इन्धन वितरण हुने गरेको प्रहरीको पछिल्लो कारबाहीबाट देखिएको छ ।रुपन्देही प्रहरीको सक्रियतामा भएको अनुसन्धानका क्रममा नेपाल आयल निगमका उच्च अधिकारी नै पेट्रोलियम पदार्थको कालोबजारीमा संलग्न रहेको पुष्टी भएको हो ।
भलवारी डिपो प्रमुखले आयल निगमका कार्यकारी निर्देशक गोपाल खड्काको निर्देशनमा पठाएको ट्याङ्कर रुपन्देही प्रहरी र प्रशासनको सक्रियतामा बर्दघाटमा नियन्त्रणमा लिइएपछि आयल निगमको कालो नियत छरपष्ट हुने संकेत देखिएको छ । नेपाल आयल निगम भलवारीका क्षेत्रीय प्रमुख दिनेश यादवको सक्रियतामा बिहीवार बेलुका सोझै काठमाण्डौको एक निजी पम्पलाई पठाइएको एक ट्याङ्कर अर्थात् १२ हजार लिटर डिजल नवलपरासीको बर्दघाटमा नियन्त्रणमा लिएको थियो ।
रुपन्देहीका प्रमुख जिल्ला अधिकारी बिष्णु ढकालले जिल्ला आपूर्ति समितिलाई थाहै नदिई एक टेकंर तेल काठमाण्डौ पठाएको जानकारी प्राप्त भएपछि नबलपरासीबाट फिर्ता ल्याई अनुसन्धान शुरु गरेको जानकारी दिए । अनियमित ढंगबाट तेल पठाउन लागेको थाहा पाएपछि नियन्त्रणमा लिएको प्रहरी निरिक्षक केदारराज पन्तले जानकारी दिए ।यसैगरी आयल निगमका क्षेत्रीय प्रमुख दिनेश यादवले बिहीवार नै ना २ ख ५९५२ नम्बरको टेकंरमा पर्बतका ३ वटा पम्पमा १२ हजार डिजल सोझै पठाएको निगमका कर्मचारीले वताए । यसैगरी पश्चिमाञ्चल पेट्रोलियम डिलर्श एशोसिएसनले भलवारी डिपोबाट तेल बितरणमा चलखेल गरेको भन्दै प्रमुख यादवलाई कारबाहीको माग गरेका थिए ।
लुम्बिनी अञ्चल सहित ११ जिल्लाका करीब ३ सय पम्पका व्यवसायीले आयल निगमबाट समानुपातिक रुपमा तेल प्राप्त गर्न नसकेको गुनासो गर्दै आएका छन् । रुपन्देहीमा अहिले पनि १३ लाख भन्दा बढी लिटर तेल स्टक रहेको भए पनि यसको परिमाण बारे प्रमुखले केही पनि बताउन चाहेनन् ।
मन्त्रीको चेतावनी
विहीबार मात्र राजधानीमा पत्रकार सम्मेलन गरेर कालोबजारीमा सरकारी कर्मचारी संलग्न रहेको पाहिएमा कडा कारवाही गरिने बताइसकेका छन् । यस अघि उनले इन्धन संकटको बेला फाइदा उठाउँदै आयल निगममा घोटाला गर्न खोजिएको र आफूलाई झुक्काएर करोडौंको खेल भैरहेको संकेत समेत गरेका थिए । कालोबजारी बारे छानविन गर्न आपुर्ती मन्त्रालय र प्रधानमन्त्री कार्यालय स्तरमै छानविन समिति गठन भैसकेका छन् ।
गोपाल खड्काको दादागिरी
आयल निगमका कार्यकारी निर्देशक गोपाल खड्का अख्तियार दुरुपयोग अनुसन्धान आयोगका प्रमुख लोकमान सिंह कार्कीका नातेदार हुन् । एमाओवादीमा आपुर्ति मन्त्री पुनलाई असयोग गर्दै करोडौं कुम्ल्याउन खोजेको आरोप लागिसकेका उनले आपुर्तीमन्त्रीलाई असयोग गरिरहेको निगम भित्रका कर्मचारी नै बताउँछन् । आफूलाई आपुर्ति मन्त्रीले मात्र नभएर प्रधानमन्त्री केपी शर्मा ओली र एमाओवादी अध्यक्ष प्रचण्डले समेत छुन नसक्ने भन्दै आफु मातहतका कर्मचारीलाई धम्काउने गरेको समेत श्रोतले बतायो ।
यस अघि उनको समेत लगानी रहेको बिराटनगरको बिराट पेट्रोलियमलाई देशलाई ठूलो नोक्सानी गर्ने गरि इन्धन ल्याउनका लागि दिएको टेण्डर रोक्न परेपछि पेट्रोल सकिएको भन्दै पत्रकार सम्मेलन गरेका गोपाल खड्काले अहिले आएर भएको इन्धनलाई कालोबजारीमा परिचालन गरिरहेको प्रमाण भेटिएको छ । भारतसँगको बलियो लबिङ भएका मानिएका गोपाल खड्कासँग बिराट आयलमा अर्का एक भारतीय ब्यापारी समेत साझेदार रहेको बताइन्छ । निहुँ खोजे अख्तियारको प्रयोग गर्ने भन्दै उनले घुमाउरो चेतावनी समेत दिने गरेको बताइन्छ ।
बिराटलाई ठेक्का दिएमा भारतबाट जसरी पनि इन्धन ल्याउन सक्ने दावी गरेका गोपाल खड्काले चीनबाट इन्धन ल्याउन आनाकानी गर्दै विभिन्न अडचन थापेपछि आपुर्तिमन्त्री पुनले चीन गएर आफै डिल गरेका थिए । संकटमा समाधान खोज्न लागि परेका मन्त्री पुनलाई गोपाल खड्काकै कारण विभिन्न झन्झटको सामना गर्न परिरहेको मन्त्री पुन निकट एक नेताले हेडलाइन्सलाई जानकारी दिए ।
प्रधानमन्त्री केपी शर्मा ओलीले भुटानबाट लखेटिएका नेपाली भाषी भुटानीहरु भारतको बाटो हुँदै नेपाल आएको बताएका छन् । दक्षिणी भुटानबाट बलपूर्वक लखेटिएका नेपाली भाषी भुटानीलाई नेपाल सरकारले मानवताका आधारमा शरण दिएको उनले बताए ।तेस्रो मुलुक पुनर्वास कार्यक्रमअन्तर्गत एक लाख भुटानी शरणार्थीलाई विश्वका आठ मुलुकमा सफलतापूर्वक पुनर्वास गरिएको सन्दर्भमा यहाँस्थित अन्तर्राष्ट्रिय आप्रवास सङ्गठन र शरणार्थीसम्बन्धी राष्ट्रसङ्घीय उच्चायुक्तको कार्यालयले बिहीबार आयोजना गरेको कार्यक्रममा उनले सो कुरा बताएका हुन्।
झण्डै अढाइ दशकदेखि नेपालले झेल्दै आएको भुटानी शरणार्थी समस्या र त्यसको समाधान गर्न विश्व समुदायले गरेको सहयोगको सराहना गर्दै प्रधानमन्त्री ओलीले बाँकी रहेका करिब १८ हजार शरणार्थीलाई पनि सोही कार्यक्रमअन्तर्गत पुनर्वासको व्यवस्था गर्नुपर्ने धारणा राखे ।
‘हामी भूटानी शरणार्थी समस्या समाधान गर्न चाहन्छौँ, यो साझा समस्या भएकाले यसको समाधानका लागि अन्तर्राष्ट्रिय समुदायसँग सहकार्य गर्न नेपाल सरकार तत्पर छ’, शरणार्थी पनि विश्व परिवारका सदस्य भएको उनले बताए ।
भुटानी शरणार्थीलाई ससम्मान घर फर्काउन धेरै चरणमा भूटान सरकारसँग वार्ता भएको तर त्यसले कहिल्यै निकास नपाएपछि आफू उपप्रधानमन्त्री एवम् परराष्ट्रमन्त्री हुँदा तेस्रो मुलुक पुनर्वासको नयाँ सोचका साथ अन्तर्राष्ट्रिय जगतसँग छलफल चलाएको स्मरण गर्दै उनले त्यसैको परिणामस्वरुप आज एक लाख शरणार्थी तेस्रो मुलुकमा पुनःस्थापित हुन सकेको उल्लेख गरे ।
नेपालका लागि अमेरिकी राजदूत र अष्ट्रेलियाली राजदूत क्रमशः अलाइना टेपलिट्ज र ग्लेन ह्वाइटले एक लाख शरणार्थीलाई तेस्रो देशमा पुनर्वास गराउन सक्नु ठूलो उपलब्धि भएको उल्लेख गरेका थिए ।
कार्यक्रममा दिइएको जानकारी अनुसार अमेरिकाले ८४ हजार ५००, क्यानाडाले छ हजार ५००, अष्ट्रेलियाले पाँच हजार ५५४, न्युजिल्याण्डले एक हजार दुई, डेनमार्कले आठ सय ७४, नर्वेले पाँच सय ६६, बेलायतले तीनसय ५८ र नेदरल्यान्डस्ले तीनसय २७ जनालाई पुनर्वास गराएका छन्। रासस
मंसिर ४, २०७२- बिहीबार साँझ एक्कासी संस्कृति, पर्यटन तथा नागरिक उड्डयनमन्त्री आनन्दप्रसाद पोखरेल त्रिभुवन अन्तर्राष्ट्रिय विमानस्थलको अनौपचारिक निरीक्षण गर्नका लागि त्यहाँ पुग्दा कसैलाई केही खबर गरिएको थिएन ।मन्त्रीको निरीक्षण हुने सूत्रबाट थाहा भएपछि मेरो यात्रा हतारमा उतै सोझियो विमानस्थलका कुनै पनि कर्मचारीलाई मन्त्रीको निरीक्षण बारे सुइँको थिएन । त्यसैले हामी ८ बजे त्यहाँ पुग्दा उनीहरु सबै आफ्नै सुरमा मस्त थिए । मन्त्रीको अवलोकन प्रस्थान कक्षबाट सुरु भयो । अन्य समयमा भन्दा भीड केही कमै थियो । मन्त्री पोखरेलले प्रस्थान कक्षमा फारम भरिरहेका केहीसँग भलाकुसारीसमेत गरे । उनी को हुन् र किन प्रश्न गरिरहेका छन् भनेर यात्रुहरुमा कौतुहल थियो । तर, त्यहाँ कुनै गुनासो भने सुनिएन । त्यसपछि मन्त्री पोखरेलले अध्यागमनका कर्मचारीसँग कुराकानी गरे । रातिको समयमा गगल्स लाएर काउन्टरमा बसेकी एक महिला कर्मचारीसँग उनले त्यसको कारण सोधेका थिए ।
अध्यागमन कटेर प्रतिक्षास्थलमा पुगेपछि भने उनी त्यहाँको भिड देखेर केही झस्किए । ब्रिफिङ गरिरहेका डीआईजीले उनलाई धेरै फ्लाइट भएको समयमा उभिन पनि मुस्किल हुने जानकारी दिएका थिए । कायस्थले नै प्रतिक्षालयको एसीदेखि फ्यानसम्म सबै बिग्रिएको जानकारी दिएका थिए । मन्त्री पोखरेलले प्रतिक्षालयमा रहेको शौचालयको पनि निरीक्षण गरे । ‘यहाँको शौचालय साह्रै फोहोर हुन्छ भन्ने सुनेको छु,’ मन्त्री पोखरेलले यति भनेपछि डीआईजीले उनलाई शौचालय देखाउन लगे ।
यात्रु प्रतिक्षालयपछि विमान ट्याक्सी एरियातर्फ मन्त्री अघि बढे । ट्याक्सी एरिया निकै अँध्यारो देखेपछि उनले यसको सुरक्षा संवेदनशीलता बारे सोधे । त्यसपछि हामी विमानस्थलको रनवे तल रहेको ब्यागेज ह्याडिलिङ क्षेत्रतर्फ लाग्यौं । यात्रुहरुको ब्यागेज कसरी ह्ल्यान्डलिङ गरिन्छ भन्ने निरीक्षण गरेपछि उनले तस्करीलाई रोक्न अपनाइएका प्रणालीहरुबारे प्रश्न गरे । सँगै उनले यात्रुहरुको ब्यागेजबाट सामान चोरी हुने गुनासोको बारेमा पनि सोधखोज गरे ।
ब्यागेज ह्यान्डलिङलाई नजिकबाट नियालेपछि हामी आगमनकक्ष तर्फ लाग्यौं । आगमन कक्ष पुरै सुनसान थियो । त्यहाँका अध्यागमनका कर्मचारीहरु फेसबुक चलाउन र गफ गर्न मस्त थिए । ‘हामी आउने थाहा पाएको भए के यिनीहरु यस्तै गरि बस्थे,’ मन्त्री पोखरेलले यसोभन्दा डीआईजी मुसुक्क हाँसे मात्रै । त्यहाँबाट हामी विमानस्थलको कार्यालयतर्फ लाग्यौं ।
कार्यालयस्थलमा रहेको सीसीटीभी मनिटर रुमको निरीक्षणको बेलामा मन्त्री पोखरेलले कुनै क्यामरा धमिलो र कुनै सफा हुनुको कारण सोधे । यस्तै विमानस्थलको पसल क्षेत्रको कसरी निगरानी गरिएको छ त्यसको बारेमा पनि सोधेका थिए । र, त्यहाँ कार्यरत अफिसरलाई देखाउन भने । त्यहाँबाट बाहिर निस्किएर यात्रुको लगेज लिने ठाउँ पुग्दा झोलै झोलाको थुप्रो देखेर उनी आश्चर्यमा परे । ‘यत्रो झोला यहाँ किन ?’ उनले भने । ‘हजुर नाकाबन्दीका कारण, प्लेनले धेरै फ्युल बोकेर आउँछन् ।
तर सामान पछि ल्याउँछन् । कतिको त दस दिनपछि सामान आउँछ,’ कायस्थले भने, ‘त्यसैले लिन कोही नआएका सामानहरु थुप्रेका हुन् । अझ दिउँसो झन् धेरै हुन्छ ।’ त्यहाँको पनि निरीक्षण गरेपछि मन्त्री पोखरेलले भीआईपीकक्षको निरिक्षण गरे । त्यहाँ त्रिभुवन विमानस्थालका डिउटी ईञ्चार्ज भानुभक्त कोइराला र दीपक ओझासँग पनि उनले केहीबेर छलफल गरे ।
मन्त्री पोखरेलले विशेष गरेर विमानस्थलमा कर्मचारीको क्रियाकलाप, सरसफाई र यात्रुले पाउने दु:खका बारे सकेसम्म धेरै जानकारी लिने प्रयास गरेका थिए । उनले एयरपोर्ट ट्याक्सीको बारेमा पनि सोधखोज गरेका थिए । तर, डिउटी इञ्चार्जले आफू नयाँ भएकोले धेरै कुरा थाह नभएको बताएका थिए । उनका अनुसार यो अनौपचारिक निरीक्षण कहाँ के छ भनेर जान्नका लागि मात्र हो । ‘आफैंले हेरेर थाहा नभएसम्म अरुलाई के भन्ने भनेर हेर्न आएको हुँ,’ उनले भने, ‘अहिले यस्तो उस्तो भनेर प्रचार गर्नु ठीक हुँदैन । मैले देखेका कुरालाई सुधार गर्न के गर्नुपर्छ त्यो गर्ने छु अनि सबैले थाहा पाएको राम्रो ।’ आजको ईकान्तीपुरबाट।
काठमाडौं – वाणिज्य तथा आपूर्तिमन्त्री गणेशमान पुनले चीनबाट उच्च गुणस्तरको एलपी ग्यास ल्याइने बताएका छन् । अनौपचारिक चीन भ्रमणपछि मंगलबार स्वदेश फर्किएका मन्त्री पुनले न्यून गुणस्तरको ग्यास चिसो मौसमका कारण ढुवानीमा समस्या पर्ने भएकाले उच्च गुणस्तरको ग्यास सजिलै ल्याउन सकिने बताएका हुन् । चीनको स्वशासित क्षेत्र तिब्बततर्फको दुवै नाका तातोपानी–खासा र रसुवागढी–केरुङबाट आयात गर्दा कम गुणस्तरको ग्यास चिसोका कारण ढुवानीमा समस्या आउने भएकाले उच्च गुणस्तरको ग्यास आयात गर्न लागिएको वाणिज्यमन्त्री पुनले जानकारी दिए । आजको कारोबार दैनिकमा खबर छ ।
रौतहट: चुरेभावर राष्ट्रिय एकता पाटीले मधेशी मोर्चाका नेता तथा सद्भावना पाटीका अध्यक्ष राजेन्द्र महत्तोलाई भावर प्रदेशमा प्रवेश निषेध गरेको जनाएको छ । नेता महत्तोले साम्प्रदायिक दंगा फैलाउन खोजेको , नेपाली जनतालाई एक आपसमा जुधाउन खोजेको आरोप लगाउदै त्यस्ता नेताहरुलाई भावर प्रदेशमा प्रवेश गर्न नदिने निर्णय गरेको चुरेभावर राष्ट्रिय एकता पाटीका केन्द्रिय अध्यक्ष बद्री न्यौपानेले बताएका छन् । 
भारतीय राजदुत रञ्जित रेको पछिल्लो बोलिले भारतले नेपालमाथि लगाएको नाकाबन्दी खुलाउने कुनै मनसाय नरहेको र भारतको बदनामी गर्न खोज्दैमा नहच्किने संकेत दिएपछि अव भारतीय दुताबास काठमाडौंबाट बालुवाटारसँग आमने सामाने हुन खोजेको प्रष्टिएको छ ।मन नपरेको संविधान अस्वीकार गरेको भारतले अव मन नपरेको ओली सरकारलाई पनि लामो समय सहन नसक्ने संकेत समेत दिएको छ । आधिकारिकता पुष्टि नभएको भारतीयनाका खुल्ने हल्लालाई नै प्रचारमा ल्याएका प्रधानमन्त्री केपी शर्मा ओलीलाई भारतीय राजदुतले सबैभन्दा बढी फितलो पुष्टी गर्न खोजेको देखिन्छ । भारतीय राजदुत र प्रधानमन्त्रीबीच अव घुमाउरो जुहारी शुरु भएको छ ।
आइतबार प्रधानमन्त्री केपी शर्मा ओलीले आफूले नाकाबन्दी खुल्ने जानकारी पाएको भन्दै हर्षित मुद्रामा सचिवहरुलाई तयार रहन निर्देशन दिए । उनले नाकाबन्दी खुल्ने अपेक्षाकैबीच राष्ट्रका नाममा सम्बोधन गर्ने कार्यक्रम समेत तय गरेका थिए । तर भारतले पुनः झुक्काएको निष्कर्ष सहित मंगलबार हुने भनिएको उनको सम्बोधन अन्तिम समयमा आएर स्थगित हुन पुग्यो ।
दिउसो भारतीय राजदुतलाई भेटेका प्रधानमन्त्री ओलीले साँझ एक कार्यक्रममा भने- नेपाल सगरमाथाको देश हो, शिर निहुराउने काम गर्दैन । नेपालले घुँडा टेक्दैन । प्रधानमन्त्री ओलीले पालले खुट्टा नकमाउने र शीर नझुकाउँदैन भन्दै सगरमाथाको देश उचो शिर राखेर अघि बढ्ने बताएर दिल्लीसँग रिस पोखे ।
मंगलबार साँझ नै ओलीले राष्ट्रिय सुरक्षा परिषद्को बैठक बोलाएर चारै सुरक्षा निकायलाई नाकाबन्दी पछिको अवस्थामा सबै कुरा विचार गरेर सुरक्षा योजना बनाउन निर्देशन दिएका छन ।मंगलबार राजधानीमा बोल्दै राजदुत रे ले भने,‘ नेपालमा धेरै हल्ला र अनुमान चल्छ । नेपालमा ७० प्रतिसत आपूर्ति वीरगञ्ज नाकाबाट हुन्छ । अरु बाँकी नाकाबाट जति आपूर्ति गरे पनि यहाँको अवस्था सहज हुँदैन । अरु नाकाबाट रि रुट गरेर पठाउने प्रयास भईरहेको छ । नेपाललाई तेल दिने मेन डिपो रक्सौलमा भएकोले अरु नाका सहज भए पनि आपूर्ति सहज हुँदैन ।’ यो भनाइसँगै भारतीय राजदुतले नेपालका जनता मात्र नभएर प्रधानमन्त्री समेत हल्लाका भरमा बोल्ने गरेको भन्ने शैलीमा कडा डाइलग दिए ।
भारतले युद्धमा नगरेको ब्यवहार नेपालमाथि गरिरहेको भन्ने प्रधानमन्त्रीको भनाइलाई पनि भारतीय राजदुतले खरो जवाफ दिएका छन् । उनले भने ,‘ हामी नेपालको दुस्मन होईन मित्र हौ । हामी नेपालको अहित चाहँदैनौ । नेपालका नोक्सान भए भारतमा पनि असर पर्छ । नेपालमा पीडा भए भारत पनि खुसी हुन सक्दैन । लडाई गरेर दुबै देशको हित हुँदैन । मिलेर जानु पर्छ ।’ उनले थपे,‘ भुकम्पको बेला सहयोग गर्दा पनि ‘गो ब्याक ईण्डियन मिडिया’ भने हामीले केही भनेनौ र अहिले पनि ‘ गो ब्याक ईण्डिया’ भनिदैछ । यस्तो भावना बढाएर नेपालको राष्ट्रिय स्वाधिनता बलियो हुँदैन । यो नेपालको हितमा छैन।’
निरिह सरकारः उन्मुक्त राजदुत
हरेक देशको सम्बन्धमा कुटनीतिक मर्यादा भित्र मात्र बोल्न र ब्यवहार देखाउन पाइन्छ । भारत संसारभरीका देशमा कमजोर कुटनीतिक हैसियतकै मानिन्छ । नेपाल मात्र एक त्यस्तो देश हो जहाँ भारतीय राजदुतले आफूलाई विश्व शक्तिकोरुपमा पाउँछ र त्यसै अनुसार दादागिरीपूर्ण ब्यवहार प्रदर्शन गर्दछ । मंगलबारको पत्रकार सम्मेलनमा राजदुत रे को प्रष्ट संकेत नेपालका प्रधानमन्त्री भारत विरुद्ध प्रचारवाजीमा उत्रिएको हामीलाई मन परेको छैन भन्ने हो ।
नेपालका उपप्रधानमन्त्री देखि मन्त्रीहरुले बोलेका हरेक कुराका खण्डन प्रकाशित गरिरहेको भारतीय दुताबास लैनचौरबाट बालुवाटारसँग टक्कर गरिरहेको छ । तर एक पत्रकारमाझ नेपालमाथि नाकाबन्दी गरिरहेको देशका राजदुतले बोलेका कुराबारे खण्डन गर्ने वा प्रतिवाद गर्ने हैसियत नेपालको परराष्ट्र मन्त्रालयले देखाउन सकेको देखिँदैन । नेपालमा समस्या छन् यसो छ उसो छ भन्दै हिड्ने र उपदेश समेत दिने छुट भारतीय राजदुतलाई अहिलेको अवस्थामा समेत हुनुले हाम्रो देशको कुटनीतिक निरिहता र निम्छरो अवस्था थप पुष्टिएको छ ।
आमने सामनेको संकेत
भारतीय राजदुत रे को रबैया र प्रधानमन्त्री ओलीको बोलीले भारत र नेपालबीचको समस्या समाधान उन्मुख भन्दा पनि झनै अफ्ठेरो अवस्थामा पुगेको संकेत देखिएको छ । राजदुत रे ले नाकाबन्दी पूर्वको भारतीय विदेशमन्त्रालयका विज्ञप्तिमा रहेका भाषा दोहोर्याउनु र नेपालका प्रधानममन्त्री समेत हल्लाका भरमा चल्छन् भन्ने संकेत दिन खोज्नु झनै गम्भिर विषय हो ।
प्रधानमन्त्री ओलीले पनि कुटनीतिक समाधानमा कौशलता देखाउने भन्दा पनि आक्रोशित अभिब्यक्ति आफै र उपप्रधान तथा मन्त्रीहरु समेतबाट प्रर्वर्द्धन गराउन खोज्नु नेपालका लागि घातक हुने देखिएको छ । बैकल्पिक आपुर्तिका लागि ठोस कदम चाल्न पनि नसक्ने र ८० प्रतिशत आपुर्ति निर्भरता रहेको भारतसँग निहुँ खोज्ने मात्र शैलीमा प्रदर्शन हुने सरकार तथा जसरी भएपनि घाँटी अठ्ठाएर आफ्नो इगो साध्न खोज्ने भारतीय रबैयाले नेपाल र भारतबीच दीर्घकाल सम्म सल्टिन नसक्ने खाडल पैदा हुने सम्भावना बढेको छ
काठमाडौं – उपप्रधान तथा परराष्ट्रमन्त्री कमल थापाले भारत भ्रमणका क्रममा भारतीय शीर्ष नेतृत्वले आपूर्ति व्यवस्था सहज बनाउन दिएको आश्वासन हालसम्म पूरा नभएको बताएका छन् । भारतबाट फिर्ता भएको यत्रो दिन बितिसक्दा पनि सीमानाकामा अवरोध र आपूर्तिमा असहजता कायम रहेकोमा उनले चिन्ता व्यक्त गरेका हुन् ।शनिबार व्यवस्थापिका संसदलाई सम्बोधन गर्दै मन्त्री थापले भने, ‘ म भारतबाट आएको केही दिन बितिसक्यो तर यसबीचमा वार्ताको क्रममा भएको सहजीकरणको प्रतिबद्धता कार्यान्वयन भएको अनुभूति पाएका छैनौं ।’ उनले भारत आफूले दिएको वचन अनुसार अघि बढ्नेमा अझै आशा व्यक्त गरे । ‘भूपरिवेष्टित राष्ट्रको हक र अधिकार दिन भारतले कुनै कसर राख्दैन भन्ने आशा गरेको छु,’ उनले भने ।
थापाले उपलब्ध भएका सबै नाकाहरुबाट आपूर्ति गर्न सहयोग पुर्याउने भारतले आफूलाई वचन दिएको बताएका थिए । ‘रक्सौल नाकामा अड्केर रहेका रिरुटिङ गरेर सहजीकरण गर्ने र नजिकका डिपोबाट इन्धन आपूर्तिमा सहयोग गर्ने प्रतिबद्धता भएको थियो,’ थापाले भने ।
भारत भ्रमणबारे संसद्लाई जानकारी दिँदै थापाले भने, ‘भारतीय विदेश मन्त्रालयको निमन्त्रणामा म भारत भ्रमणमा गएँ । जस क्रममा भारतीय प्रधानमन्त्री, विदेश मन्त्री, गृहमन्त्रीलगायत शीर्ष नेतृत्वसँग भेटवार्ता भयो । मैले सो क्रममा परावाहान अवरोध र आपूर्ति व्यवस्था समस्या समाधान गर्न औपचारिक रुपमा कुराकानी गरें । यस भ्रमणबाट दुई देशको सम्बन्धलाई सुदृढ बनाउन मद्दत पुगेको विश्वास लिएको छु । पारवाहन आपूर्ति अवरोध हटाउन सकारात्मक कुराहरु भएको छ । भारतले दिएको आश्वासन इमान्दारिपूर्वक कार्यान्वयन हुने आशा गरेको छु ।’
थापाले इन्धन आपूर्ति सहज बनाउन सरकारले अन्य विकल्पहरुको पनि तयारी गरिरहेको जानकारी दिएका थिए । यसमा सरकार युद्ध स्तरमा काम गरिरहेको उनले बताए ।
त्यस्तै, थापाले आन्दोलनरत मधेशी मोर्चासँग औपचारिक वार्ता शुरु भएको पनि बताएका छन् । ‘मधेशी मोर्चासँगको वार्ताको क्रममा पूर्ववत सरकारले महत्वपूर्ण निर्णय गरेको छ । त्यसमा हाम्रो प्रतिबद्धता रहने छ । औपचारिक वार्ताको क्रमले निरन्तरता पाएको छ । अब भोली फेरि वार्ता हुँदैछ । देशलाई संक्रमणबाट मुक्त गर्न समस्या चाँडो हल गर्नुपर्छ,’ थापाले भने ।
काठमाडाैं । सामाजिक सञ्जाल फेसबुकमा नाङ्गा फोटाहरु राखेर रातारात चर्चित बनेकी अर्चना पनेरुलाई प्रहरीले पक्राउ गरी सुध्रिने मौका दियो तर पनि उनले उही हर्कत दोहोर्याएकी छन् ।अहिले उनले फेसबुक बन्द गरेर ट्वीटर मोहमा लागेकी छन् । उनले ट्वीटर खोलेयता सोमबार विहानसम्म अर्थात हामीले समाचार तयार पार्दसम्म १ हजार १ सय २ जनाले फलो गरिसकेका छन् भने ७७ जनालाई फ्लोइङ दिएकी छन् । उनले २७ वटा ट्वीट गरेकी छन्, जसको आसय उनको भित्री इच्छा अझै मरेको छैन, उनी प्रोनस्टार भएरै छाड्छिन् ।उनले ट्वीट गरेका कुराहरु यस्ता छन्
फेसबुकमा धेरै साथि भए आब ट्वीटरमा नि आउन र छाउन खोज्दै छु ।
प्रहरीले तनाव गर्यो र फेसबुक पेज चेन्ज गरें ।
के गर्नु फलोअर हुनुपर्ने रैछ धेरै ट्वीटरमा फेमस हुन, बुबा ममीले फेमस होस् भन्ने चाहना राख्नु भाछ ।
कम्प्यूटर र मोबाईलमा नेपाली पोर्न खोज्नेहरू नै मलाई गाली गरिरहेका छन्
जुन दिन हज़ारों फलोअर हुन्छन् नयॉं फ़ोटो हाल्नेछु फ़ुल पात केही नराखी ।।।
मलाई बिहे नै गर्नु छैन । २२–२३ बर्षमा २ वटा बच्चा ‘एडप्ट’ गर्छु । बिहे गर्ने सोच छैन ।
मैले के विराएँ त नि १ एम अरूको भन्दा फरक रोजें भविष्य र खुसी देखें हैन ।
यस्तै यस्तै ट्वीट गरिएका छन् उनको टाइमलाइनमा । तर यो आइडी फेक पनि हुन सक्छ । कसैले उनको फेसबुकबाट फोटोहरु झिकेर बनाएको पनि हुनसक्छ भन्नेहरुका लागि भ्रम हटाउन आफैले आफ्नो फेसबुक एकाउण्ट ब्लक समेत गरेको प्रमाण उनले पेश गरेकी छन् । जे जति प्रमाण जुटाए पनि उनको बानीमा केही फरकपन आएको छैन । मम्मी बाबाले खिचिदिएको भन्दै त्यस्तै फोटोहरु अझै राख्न छाडिएको छैन । हुँदा हुँदा, हजारौं फ्लोअर भएपछि त नयॉं फ़ोटो हाल्नेछु फ़ुल पात केही नराखी ।।।
सन्नी लियोनीको नग्न फोटो र फिल्महरु हेरेर आफूले प्रेरणा लिएको बताउने अर्चनाले नेपाली समाजका लागि भने पक्कै पनि गलत बाटो रोज्दैछिन् । यस अघि अर्चना पनेरु र सुनिता पनेरुका विषयमा प्रहरी कार्यालयमा दिइएको एक निवेदन अनुसार प्रहरीले उनीहरुलाई पक्राउ गरेको थियो । प्रहरीसंगको सोधपुछ पछि उनीहरुले फेसबुकको फोटोहरु आफैंले राखेको स्वीकारेका थिए ।
आमा सुनिताले छोरीलाई पोर्नस्टार बनाउनका लागि यस्तो फोटोहरु खिचेको बताएकी थिइन् । छोरीलाई छुट्टै राखेर सोधपुछ गर्दा उनले आफ्नो इच्छाअनुसार नै आमाले फोटोसुट गरिदिएको बताएकी थिइन् । तर अन्त्यमा भने अब आइन्दा यस्तो गर्दैनौं भनेर कागज गर्न तयार समेत तयार भएका थिए । त्यसपछि उनीहरुलाई प्रहरीले छाडेको थियो । पहिलोपटक भएकाले सुध्रने मौका दिएको प्रहरीको भनाइ थियो । भविष्यमा यस्तै घटना दोहोरिएमा साइबर क्राइममा मुद्दा चलाउने प्रहरीले जनाएको थियो ।
२६ भदौ, काठमाडौं । प्रधानसेनापति राजेन्द्र क्षेत्रीले पदभार ग्रहण गरेको भोलिपल्ट शुक्रबार देशभरका सबै युनिटलाई सम्बोधन गर्दै परिवर्तित परिस्थितिमा थपिएको सुरक्षा चुनौती सामना गर्न एकजुट भएर काम गर्न निर्देशन दिएका छन् । प्रधानसेनापतिले संविधान जारी भएपछि राजनीतिक स्थिरता आउनेसमेत अपेक्षा गरेका छन् ।सैनिक मञ्च टुँडिखेलबाट सेनाका पृतना, बाहिनी, गण, गुल्म तथा शिक्षालयलगायत एक सय ३६ स्थानमा एकैसाथ लाइभ मल्टिकास्ट गरिएको सम्बोधनमा क्षेत्रीले बाह्य र आन्तरिक सुरक्षा वातावरण अस्थिर, अनिश्चित, जटिल र अस्पष्ट रहेको र यसका प्रभाव नेपालको राष्ट्रिय सुरक्षामा समेत परिरहेको भन्दै सेना यसको सामना गर्न तयार रहेको बताएका हुन् । उनले संविधानद्वारा निर्दिष्ट महत्त्वपूर्ण राष्ट्रिय हितविरुद्ध उत्पन्न हुनसक्ने आन्तरिक र बाह्य सुरक्षा खतरा तथा चुनौतीको प्रभावकारी ढंगले सामना गर्न सेना तयार रहेको बताएको नयाँ पत्रिकामा खबर छ ।प्रधानसेनापति क्षेत्रीले अहिले मुलुक जटिल चुनौतीको दोसाँधमा उभिएको र वीर पुर्खाले निर्माण गरेको मजबुद जगमा उभिएर राज्यका सबै शक्ति संयन्त्रसँग हातेमालो गर्दै अघि बढ्नुपर्नेमा जोड दिए । आफ्नो कार्यकालमा सेनालाई पेसागत सैनिक तालिम, हातहतियार तथा उपकरणको उपलब्धता, अपरेसनल तयारी, उच्च हौसला तथा अनुशासनमार्फत अझ संगठित, सुदृढ र सबल बनाइनेसमेत क्षेत्रीले प्रतिबद्धता गरेका छन् । प्रधानसेनापतिसँग शुक्रबार रक्षासचिव ईश्वरी पौडेलले भेटवार्ता गरेका छन् । यसैगरी नेपालका लागि भारतीय राजदूत रणजित रेले पनि प्रधानसेनापतिलाई जंगीअड्डामा भेटेर बधाई दिएका छन् । क्षेत्री भारतीय सेनाका पनि मानार्थ प्रधानसेनापति हुन् ।
काठमाडौं - नग्न तस्वीर सार्वजनिक गरेर पोर्नस्टारको अभ्यास गर्ने एक युवतीले प्रहरीको फन्दामा परेपछि अब कहिले पनि यस्तो कार्य नगर्ने बताएकी छिन् । कञ्चनपुर सदरमुकाम महेन्द्रनगरस्थित भाँसी घर भएकी कक्षा १० मा पढ्ने १७ वर्षीय युवती अर्चना पनेरुले आफूले पोर्नस्टार बन्ने सपना त्यागेको बताएकी छिन् । तर, उनकी आमा सुनिता पनेरु भने कुनै हालतमा पनि आफ्नो छोरीको सपना पूरा गरेरै छाड्ने बताउँछिन् । प्रहरीले अबदेखि त्यस्ता क्रियाकलाप नगर्ने शर्तमा सम्झौता गरेर छाडेपनि अर्चनाकी आमाले भने जुनसुकै देश गएर पनि छोरीलाई पोर्नस्टार बनाउने चुनौति नेपाली समाजलाई दिएकी छिन् ।पहिला भारतको मुम्बई सहरमा बस्दै आएको पनेरु परिवार नेपाल बस्न थालेको ८ वर्षमात्रै भएको छ । पुख्र्यौली घर नेपाल भएपनि जागिरका क्रममा मुम्बई बस्दै आएका थिए । मुम्बईमा हुर्किएकी अर्चना र त्यही समाजसँग घुलमिल अर्चनाकी आमाले सन्नी लियोनीजस्तै पोर्नस्टारको सपना देखेका थिए । सन्नी लियोनीबाटै प्रभावित अर्चना र उनकी आमाले त्यसैअनुसार सपना बुनेका थिए छोरी पोर्नस्टार भएको हेर्ने र छोरीको चाहना पनि थियो पोर्नस्टार बन्ने । त्यही सपनाअनुसार पोर्नस्टारको अभ्यास गर्ने क्रममा विहीबार पनेरु दम्पत्तीलाई प्रहरीले नियन्त्रणमा लिएको थियो । प्रहरीको सम्झाई बुझाईपछि बाबु छोरीले अबदेखि त्यस्तो नगर्ने बताएपनि आमा सुनिता भने आफ्नो अडानमा टसमस पनि भएकी छैनन् ।
दैनिक नेपालसँग टेलिफोनमा कुरा गर्दै सुनिताले आफ्नो छोरीको सपना पूरा गर्न जस्तोसुकै परिस्थितीको सामना गर्न तयार रहेको बताईन् । उनले भनिन्-‘प्रहरी कार्यालयबाट फर्केपछि हिजोदेखि मेरी छोरी बेहोसजस्तै भएकी छिन् । रातभरि रोएर बिताई । म उसकी आमा भएर कसरी उसको आँखामा आँशु हेर्न सक्छु ? उसको सपना पूरा गर्न म जस्तोसुकै लडाइँ लड्छु ।’ उनले दुनियाँका थुप्रै चेलीहरुले पोर्नस्टार बनेर नाम कमाएको बताउँदै मेरी छोरीले पोर्नस्टार बन्न खोजेर के गलत गरिन् भन्दै आक्रोश पोखिन । ‘छोराछोरीको सपना, चाहना पूरा गर्नु बाबुआमाको कर्तव्य हो, मैले मेरीको छोरीको इच्छा पूरा गरिदिएर के गल्ति गरे ?’ उनले भनिन् । उनले नेपालबाट सम्भव नभए भारतमै गएर भएपनि छोरीलाई एक पोर्नस्टार बनाएर नेपालमा चिनाउने बताईन् ।
भिडियो हेर्नुस्
ढुंगामुढा प्रहारबाट असईद्व बालकृष्ण सन्जेल र रन्जित लामा तथा प्रहरी जवान हेमन्त चौधरी घाइते भएका छन् । उनीहरुको बीर अस्पतालमा उपचार भैरहेको छ ।घटनास्थलबाट एकथान हतियारसमेत बरामद भएको प्रहरीले जनाएको छ । घटनास्थलमा रगतका टाटा छन् । घटनास्थललाई प्रहरीले रेखांकन गरेर नियन्त्रणमा लिएको छ ।चन्दा असुली र आपराधिक घटनामा संलग्न लामालाई प्रहरीले मोष्टवान्टेडको सूचीमा राखेको थियो । उनी सामाखुसी लगायतका क्षेत्रमा चन्दा असुल्ने लगायतका गतिविधिमा संलग्न भएको, भूकम्प पीडितलाई सहयोग गर्ने भनेर राहत उठाएर आफूले खर्च गर्ने गरेको अनुसन्धानबाट खुलेको प्रहरीले जनाएको छ ।यसअघि पनि कुमारले बागबजारमा प्रहरीमाथि गोली हानेका थिए ।
अर्जुननरसिंह केसी, जगदिश्वर नरसिंह केसी र धनराज गुरुङ जस्ता काग्रेस नेताहरु उनका लागि ‘खास दाई’ थिए । त्यसैले कुमार ति नेतासँग अलि बढी सम्पर्कमा रहन्थे ।
यसैकारण कुमार इन्काउन्टर प्रकरणमा जगदिश्वर नरसिंह केसी खुलेर प्रहरीको विरोधमा उत्रे
गृहमन्त्रीको मिलेमतोमा घैंटेलाई मारियो, यो इन्काउन्टर होइन, हत्या हो : जगदिश्वर नरसिंह केसी (अन्तरवार्ता)
सँधैजसो बिहीवार पनि घैंटे बिहानै निस्केर ठेक्का–पट्टाको अफिसतिर लागेका थिए । आफ्ना सहयोगीसँगको भेटघाटसँगै उनले अफिसको काम सिध्याएपछि ‘खाना खाएर आउँछु’ भन्दै निस्केका थिए । तर, आफ्नो अफिसबाट निस्केका उनी फेरि फर्कन भने पाएनन्, उनी अफिसबाट निस्केको केही छिनमै प्रहरी इन्काउन्टरमा मारिए ।
ठमेलको पिपलबोटबाट ओरालो झरेर केही मिनेट अगाडि बढेपछि कपुरधारा चोक आउछ । चोकबाट दायाँतिरको पिचबाटो नछोडी केही घर पर अर्को चोक छ । त्यहि चोकबाट छुट्टिन्छ भारतिय दुतावास र कुमार घैटेको घर छिर्ने बाटो । भित्री चोकको रातो घरबाट देब्रेतिर केही मिनेट हिँडेपछी घैंटेको घरमै पुगिन्छ ।
बाटो खोज्दै शुक्रवार विहान रातोपाटी टिम घैंटेको घर पुग्दा त्यहाँ स्थानीयहरु ठाउँ–ठाउँमा जम्मा भएर घैंटे इन्काउन्टरबारे वहस गर्दे थिए ।
कहाँ छ लगानी ?
करोडौ रुपैयाँ टेवलमा राखेर घैंटेले फेसवुकमा फोटो पनि राखेका थिए । तर, उनको घर भने सामन्य नै देखियो । प्रहरीका अनुसार अशुली देखि गुण्डागर्दी, ठेक्कापट्टादेखि राजनीतिसम्मको कारोवारमा घैंटेको कमाई राम्रै थियो । तर, पनि उनले महल बनाएका थिएनन्, सामन्य घरमै बस्थे । तर, कतिपय स्थायनीय चासो राखेका थिए, ‘घंैटेले पैसा कहाँ लगानी गरेको छ ?’
सामाखुसीलाई आधार बनाएर ०५५ देखि गुन्डागर्दी गर्दै आएका घैँटे राजधानीका पुराना डनमध्ये एक थिए । १८ वर्षदेखि सामाखुसीका टोले गुन्डा गरेका उनले पटक–पटक ‘ग्याङफाइट’ खेलेका थिए ।
डान्सबार सञ्चालन र हप्ता असुलीबाट गुन्डागर्दीमा लागेका उनले पछिल्लो समय नेताहरूसँग मिलेर ठेक्कापट्टाबाट पैसा कमाउँदै आएका थिए । क वर्गको निर्माण कम्पनी गजुरमुखी कन्ट्रक्सनका उनी मालिक हुन् । जसले दर्जनौँ ठूला सरकारी ठेक्का लिएको छ ।
आफ्नो विरोधीलाई पेस्तोल देखाएर उनले धम्क्याउथे र काम लिने गरेका थिए । कांग्रेसकै नेताहरूसँग राम्रो सम्बन्ध भएकाले त्यही आडमा उनको जबर्जस्ती असुली र ठेक्कापट्टाको व्यापार मौलाउँदै गएको थियो ।
करिब एक वर्षअघि टेबुलमा करिब एक करोड रुपैयाँ राखेर आफ्नो फोटो खिची फेसबुकमा राखेका थिए । उनीमाथि सम्पत्ति शुद्धीकरणअन्तर्गत अनुसन्धान समेत हुन सकेको थिएन । सामाखुसी क्षेत्रका हरेक व्यवसायीबाट पैसा असुल्ने गरेको उनीमाथि आरोप लागेको थियो ।
प्रहरीले उनले आफ्नो धन्दा नछाडेको बताएको छ । उनका विरुद्ध प्रहरीमा लिखित भन्दा मौखिक उजुरी धेरै थिए । काग्रेसको खेलकुद समितिमा पनि सक्रिय उनी आफूलाई समाजसेवी भन्न चाहन्थे । तर, भित्री धन्दा भने राजनीतिक आडमा चलाइरहेको थिए ।
टोलकै सानो घर
कपुरधाराको साँघुरो गल्लीका घरहरु मध्यै सवैभन्दा सानो घर घैंटेको छ । पँहेलो कलरको एक तले घरमा जस्ताको छानो लगाईएको छ । घरजस्तै सानो खालको गेट छ । कामपा ‘वालकुमारी मार्ग ९८/२०’ उनको घर नम्बर हो ।घैंटेको घर
घरभित्र मुस्किकले एक दुईवटा मोटरसाइकल अट्ने ठाउँ छ । अम्बा र अन्य केही फुलका विरुवाहरु लगाईएको छ । घर नम्वर ९८/२० हेर्दा कतैबाट पनि डन घैंटेको हो जस्तो लाग्दैन । घैटेले विभिन्न धन्दा गरेर कमाएको पैसा कहाँ खर्चेका थिए ? स्थानीय कसैले केही बताउँन सकेनन् । प्रहरी अधिकारीहरु घंैटेले योजनाबद्ध रुपमा ठुलो घर नबनाएको बताउँछन् । एक प्रहरी अधिकृतले भने, ‘ पैसा भएर पनि घंैटेले ठुलो घर बनाएन किनभने घर बनाउँदा आफ्नो बदमासी सवैले देख्थे । उ बदमासी लुकाउन चाहन्थ्यो ।’
स्थानीय बोल्नै मान्दैनन्
घंैटे प्रकरणमा प्रहरी र काग्रेसका केही नेताहरुको फरक–फरक मत छ । प्रहरीले घंैटेले गोली चलाएपछि आत्मरक्षाका लागि गोलि चलाएको बताएको छ भने काग्रेस नेता एवम् सभासद् जगदिश्वर नरसिंह केसी प्रहरीले घैंटेको हत्या गरेको दावी गर्दे आएका छन् ।
प्रहरी र काग्रेस सभासद्वीचका आ–आफ्ना तर्क हुँदा स्थानीय भने ‘साइलेन्स’ बन्न चाहन्छन् । धेरैले कुरा गर्न मान्दैनन्, अलि अलि कुरा गर्नेले पनि आफ्नो नाम बताउँन चाहदैनन् । एक जना स्थानीयले नाटकीय ढंगमा घैंटे मारिएको बताए ।
‘गोली चलेको आवाज आउनासाथ धेरैले पसल बन्द गरे । छतमा बसेर हेर्नेलाई प्रहरीले भित्र पस्न भन्यो । घैंटेले हात पनि उठाएका थिए । प्रहरीले बाहिर आउन दिएनन् । गुण्डाकै झगडा होकी जस्तो लाग्यो । मैले पुलिस बोलाइदिउँ कि छोड्छौं ? भने । एक जनाले जाँउ बोलाएरले भन्यो ।’ उनले भने, ‘त्यसपछि तुरुन्तै पोशाकका प्रहरी आए । कुमार घैंटेलाइ कतिवेला हस्पिटल लगे हामीले थाहा पाएनौं । बेलुकासम्म यहिँ बसेर पुलिसहरुले मुचुल्का उठाइरहे । धेरैलाई हस्ताक्षर गराए । मैले गरिनँ ।
कुमार घैंटेको गेटसँगै तरकारी पसल गरेर बसेका देवराज जोशिका अनुसार सवा नौ बजेतिर घरमा आएका घैंटे केही बेरमै स्कुटर लिएर बाहिर निस्केका थिए । करिब दश मिनेटपछि उनी फर्केका थिए । ‘गोली चलेपछी दोहोर भिडन्त जस्तो लाग्यो,म भागेँ । पछी प्रहरीहरुले नै सटर बन्द गरिदीएछन् हामीलाई पसलमा आउन दिएनन् ।’ उनले भने ।
कपुरधारामा किराना पसल चलाएकी सुमिता खड्काले घैंटेको घरअगाडि अचानक पटाका पड्केको जस्तो आवाज आएको बताइन् ।
२०५० तिर सोलुखुम्बुको सल्लेरीबाट काठमाडौं छिरेका काजीको आर्थिक उन्नती अपत्यारिलो छ । धादिङको आंखुखोला १ हाईड्रोपावरमा समेत उनको लगानी छ । उनको भक्तपूरको बोडेमा क्रसर उद्योग छ । काभ्रेको ढाँड खोलामा एउटा क्रसर छ । स्क्याभेटर,क्रसर, ट्रिपर ब्यापारदेखि बालुवाखानीहरुमा काजीको एकछत्र राज छ ।
त्यसो त, ६४ साल अघि सम्म काजी प्रहरीको कुख्यात अपराधीको सुचीमा थिए । प्रहरीले उनलाई पटक–पटक थुनेको पनि थियो । तर जब काजीले प्रहरी सेना र सशस्त्रको जवानको दानापानीको ठेक्का पाए त्यहि दिनदेखि उनको तस्बिर त्यहाँबाट एकाएक गायब भयो । काजीको चाँगेस्थान कन्सट्रक्सन् कम्पनिले तीन वटै सुरक्षा निकायका अंगका जवानलाई रासन खुवाउने गरि २०६७÷६८मा पौने ३१ करोडको रासन ठेक्का पायो ।
प्रहरी उच्च अधिकारीसँग राम्रो पहुँच बनाएका शेर्पा विरुद्ध प्रहरी उच्च अधिकारी डिआइजीहरु खुलेर बोल्न समेत सक्दैनन् ।
केही वर्ष पहिला वाइसिएलले क्राइम अपरेशन चलाएपछि काजीले अपराधको शैली बदले । ‘बाहिर नदेखिने तर पर्दापछाडीबाट अपराध गर्ने’ तरिकाबाट शेर्पा अघि बढे । उनी आफ्नै नामबाट गतिविधि गर्दैनन् । सुषुप्त रुपमा आफ्ना सहयोगी मार्फत हप्ता असुली, ठेक्का पट्टा मिलाउने र कमिसन खाने काजीको दैनिकी हो ।
काजी डनहरु मध्ये असाध्यै चलाख र कूटनीतिक मानिन्छन् । राजनीतिक रुपमा सबै पार्टीसँग समदुरीको सम्बन्ध राख्छन् ।
गणेश लामा
राजधानिको ठमेलको रात्रीकालीन व्यावसायमा प्रभाव जमाएका गणेश लामाले सुरुवाती दिनहरुमा दिपक मनाङेको सहयोगी भूमिका निर्वाह गरे । भारतबाट भित्रिने रक्तचन्दनलाई काभ्रे हुदै चिन पु¥याउन लामाको विशेष योगदान छ । काभ्रेकै स्थानिय भएकाले उनको रक्त चन्दन तस्करीमा एक छत्र राज नै थियो । रक्तचन्दन र रात्रिकालीन व्यावसायबाट आर्थिक रुपमा बलियो बनेका उनले मनाङे समुहबाट विदा लिए लिएपछि काभ्रेका युवाहरु समेटेर आफ्नै समुह विस्तार गरे । तेस्रो शक्तिको रुपमा उदाएका उनको आम्दानीको नयाँ श्रोतहरु बन्दै गए । रात्रिकालीन व्यावसायमा समेत सक्रियता छुटाएनन् ।
गुण्डागर्दि मार्फत अवैध सम्पति जोडेपछि लामा जेल समेत चलान भए । सम्पत्ति सुद्धिकरण विभागले २७ करोड रुपैंया अवैध रकम जोडेको भन्दै विशेष अदालतमा मुद्धा हालेपछि उनलाई विशेषले ३ करोड धरौटी मागेको थियो ।
अदालतले मागे बमोजिमको धरौटि तिरेपछि उनी जेल मुक्त भएका थिए ।
लामाले निर्माण सामग्री सम्बन्धी काम गर्न सिरुवा कन्सट्रक्सन कम्पनि खोलेका छन् । तत्कालीन गृहमन्त्री विजयकुमार गच्छेदारको पछि लाग्दै उनी फोरम लोकतान्त्रीकमा प्रवेश गरेका थिए । उनी फोरम नेपालको केन्द्रीय सदस्य हुन् । संविधानसभाको दोस्रो निर्वाचनमा उनी काभ्रेबाट पराजीत बनेका थिए । उनी गच्छेदार नजिक रहेर काम गर्दै आएका छन् ।
मिलन गुरुङ उर्फ ‘चक्रे मिलन’
राजधानीको चक्रपथ क्षेत्रलाई आधार बनाएर गुण्डागर्दि गर्दै आएका ‘चक्रे मिलन’ भनेर चिनिने मिलन गुरुङ्ग आफू राजनीतिमा आउन चाहेको बताउँछन् । गत माघमा गोरखामा आयोजीत कार्यक्रममा २ लाख रुपैंया तिरेर अतिथि बनेका उनले भनेका थिए, ‘अब म नेता भएँ,टिकट पाए भने गोरखाबाट चुनाव जित्छु ।’
एमाले निकट मानिने चक्रे शिर्ष नेताको नजिकका मानिन्छन् । एमाले नेता प्रदिप नेपाल निकट रहेर उनले आपराधीक गतिविधि गर्दै आएका छन् । नेपालकी श्रीमतिले टिका लगाउने भाई बन्दै आएका छन् मिलन । उनी एमालेका सक्रिय कार्यकर्ता हुन् ।
अवैध सम्पत्ति जोडेका उनले मिलन फाउण्डेशन मार्फत सामाजीक काममा समेत हात हालेका छन् । अवैध हतियार तथा अवैध सम्पत्ति दुवै मुद्धा खेपेका उनी एमाले नेताको सहयोगी गुण्डा नाईके हुन् । सम्पत्ति सुद्धिकरण विभागले चक्रेले सात कारोड आठ लाख रुपैंया अवैध सम्पति जोडेको भन्दै विशेष अदालतमा मुद्धा दायर गरेको थियो ।
विशेषले मागेको १ करोड धरौटी बुझाएपछि उनी गत असारममा जेलमुक्त भएका थिए ।
सुजन पौडेल ‘बाहुन डन’
सुजन पौडेल उर्फ ‘बाहुन डन’ एमालेका रामेछाप जिल्ला समिति सदस्य हुन् । ठिक एक वर्ष अघि एमाले अध्यक्ष ओलीको हातको टिकाबाटै एमाले प्रवेश गरेका पौडेल ओलीकै दबावमा रामेछाप जिल्ला समिति सदस्य चुनिएका थिए ।
नेपाली सेनाको रेन्जर तह सम्मको तालीम गरेका उनी विभिन्न घटना घटाउदै प्रहरीलाई छक्याउदै हिड्ने गर्थे । बाहुन हातहतियार तथा खरखजनामा प्रहरीको मस्ट वान्टेड सुची थिए । उनलाई गत असारमा लागु औषध सहित भारतको लखनउबाट महानरिय प्रहरी अपराध महासाखा हनुमान ढोकाले पक्राउ गरेको थियो ।
सुजनले हाउजीङ क्षेत्रमा आतंकै मच्चाएका थिए ।
दोलखाका उनी साना हतियारको कारोबारबाट आपराधिक दुनियाँमा हाम फालेका थिए । ६२ लगत्तै अपराधको दुनिँयाको यात्रा थालेका उनले व्यवासयीका लागि सुरक्षा खतरा पैदा गरे भने प्रहरीको नजरमा मुख्य चुनौतीको रुपमा अघि बढे । ०६४ मा दरबार मार्गबाट पेस्तोल सहित पक्राउ परे । त्यतिबेला जिल्ला प्रशासन कार्यलयमा धरौटी बुझाएर रिहा भएका उनी पुनः बुटवलबाट दुई पेस्तोल सहित पक्राउ परे । हातहतियार खरखजनाको अभियोगमा दुइवर्ष कारागार पछि सफाई पाएर निस्केपछि उनी हाउजीङ व्यावसायीबाट रकम असुल्न लागि परेका थिए । यतिबेला सुजन केन्द्रिय कारागारमा छन् ।
परशुराम बस्नेत
युवा संघका केद्रिय सदस्य बस्नेत पुर्वाञ्चल क्षेत्रका चर्चित गुण्डा नाईके हुन् । विशेष अदालतको फैसालामा उनले दुई करोड रुपैंया धरौटी बुझाएर रिहा भएका थिए । विराटनगर क्षेत्रलाई आधार बनाएर आपराधिक गतिविधि गर्दै आएका बस्नेतको नाममा स्रोत नखुलेको ११ करोड ६१ लाख४१ हजार रुपैंया रकम देखिएको थियो । अवैध सम्पति राख्नेमा उनकी पत्नि अञ्जु बस्नेतको समलग्नता देखिएपछि बस्नेत पत्निलाई समेत साधारण तारेखमा छोडिएको थियो ।
एमाले अध्यक्ष केपी शर्मा ओलीको छत्रछायाँमा आपराधीक गतिविधिमा समलग्न उनलाई महेश बस्नेतले राजनीतिक बढुवा गर्दै आएका छन् । केहि वर्ष अघि पत्रकार माथि आक्रमण गरेपछि बस्नेत चर्चामा आएका थिए ।
दिपक मनाङे
लामो समय देखि ठमेल क्षेत्रमा राज गर्दै आएका दिपक मनाङे पछिल्ला दिनहरुमा भने गुमनाम रहे । २०४६ को राजनीतिक परिवर्तन पछि नै क्षेत्रपाटीका दिपक मनाङे, सक्रिय बने । राजनीतिक रुपमा मनाङेले त्यतिबेला राष्ट्रिय प्रजातन्त्र पार्टीलाई आधार बनाए । खुला राजनीतिक अवस्था र बढ्दो पर्यटकीय क्षेत्रका रुपमा चिनिएको ठमेललाई मनाङेले आधार इलाकाको रुपमा विस्तार गरे । त्यहि आधार इलाकामा उनले आफ्नो अवैध सत्ताको अभ्यास गरे ।
२०६० पछि मुलुकमा रक्तचन्दन तस्करी बढ्यो । उनीहरु सबै रक्तचन्दन तस्करीमा लागे । प्रसस्त आम्दानी हुने भएपछि डनहरुले यसलाई पेसाकै रुपमा अघि बढाए । मनाङ्गेले दुवै एकै साथ अघि बढाए ।
तर उनको अवैध सम्पत्ति माथी सरकारी हस्तक्षेप बढ्यो । गुण्डागर्दि मार्फत अवैध सम्पति जोडेको आरोपमा सम्पत्ति सुद्धकरण विभागले विशेष अदालतमा मुद्धा हालेको थियो । उनको नाममा १४ करोड ७४ लाख ३१ हजार रुपैंया अबैध रकम देखिएपछि विभागले मुद्धा हालेको थियो । विशेष अदालतले मागेको २ करोड ९० लाख रुपैंया धरौटी बुझाउन नसकेपछि उनी तीन महिना करागार बसेका थिए । तीन महिना पछि विशेषले मागेको धरौटी बुझाएपछि उनी रिहा भएका थिए । मनाङ्गे अहिले संघीय लोकतान्त्रिक पार्टीमा कार्यरत छन् । लक्ष्मण थारुको नेतृत्वको पार्टीका कार्यकर्ता बनेका उनी यतिबेला क्रियाशिल छन् ।
Sushma Karki is popular model and actress of Nepali film industry.She debuted her acting career from the movie Mero Euta Saathi Cha.Sushma Karki is popular model and actress of Nepali film industry.She debuted her acting career from the movie Mero Euta Saathi Cha.Sushma Karki is popular model and actress of Nepali film industry.She debuted her acting career from the movie Mero Euta Saathi Cha.
Sushma Karki is popular model and actress of Nepali film industry.She debuted her acting career from the movie Mero Euta Saathi Cha.Sushma Karki is popular model and actress of Nepali film industry.She debuted her acting career from the movie Mero Euta Saathi Cha.Sushma Karki is popular model and actress of Nepali film industry.She debuted her acting career from the movie Mero Euta Saathi Cha.
Sushma Karki is popular model and actress of Nepali film industry.She debuted her acting career from the movie Mero Euta Saathi Cha.Sushma Karki is popular model and actress of Nepali film industry.She debuted her acting career from the movie Mero Euta Saathi Cha.Sushma Karki is popular model and actress of Nepali film industry.She debuted her acting career from the movie Mero Euta Saathi Cha.
पोखरा, जेष्ठ १५ - नौ वर्ष कतारको गर्मीमा मिस्त्री काम गरेका कलामुद्दीन मियाँ अहिले रनभुल्लमा छन्। गोरखाको सौरपानी ४ का मियाँ भूकम्पमा घाइते भएर उपचार गराइरहेका छन्। ‘अहिले यति सोच्छु। ज्यान स्वस्थ भयो भने घर उभ्याउँला,’ उनले भने, ‘नौ वर्ष मरुभूमिमा रगतपसिना गरेर जोडेको पैसाले उभ्याएको घर छिनमै चकनाचुर भयो।’यहाँको विरौटास्थित ज्योति भोकेसनल तालिम केन्द्रको भवनमा शरण लिएका तीन दर्जन भूकम्पपीडितमध्ये घर कसरी बनाउने भन्नेमा मियाँको विचार केही फरक छ। ‘अब हामीले भूकम्प थेग्ने घर बनाउने हो। यसका लागि खाडी र अरू देशमा काम गरिरहेका आफ्नै दाजुभाइलाई बोलाउनुपर्छ,’ उनले भने, ‘सस्तोमा बलियो घर बनाउन उनीहरूले काम गर्न सक्छन्।’ खाडी मुलुक पुगेका नेपाली श्रमिक घर र भवन बनाउने काममा धेरै खटिएका हुनाले अनुभव रहेको उनले बताए।
‘पहिले सरकारले त्यस्तो काम गरिरहेकाको सूची बनाएर बोलाउने हो भने धेरै खर्च लाग्छ जस्तो मलाई लाग्दैन,’ उनले भने, ‘ऋण दिएरै पनि त्यसबाट बनिने घर हामीले भूकम्प थेग्ने बनाउन कामदार पाएनौं भने जोखिम जस्ताको तस्तै रहिरहन्छ।’ मियाँका छोरा, छोरी, नाति गरी ११ जनाको परिवार छ। उनी खुट्टाको चोटको उपचारका लागि यहाँ रहँदा पत्नी मुमिनासँगै छिन्। उनले भनिन्, ‘हाम्रो टोलमा घरले किचेर चार जनाको ज्यान गयो। अहिले लाग्छ, ज्यान बाँच्यो भने पालमा पनि टाउको लुकाइन्छ। बिस्तारै घर बनाउँछ। जेहोस् कसैको ज्यान नजाओस्।’
गोरखाकै गुम्दा ५ की ४५ वर्षीया चिनमाया गुरुङलाई उठाइदिनु–बसाइदिनुपर्छ। खानीबेंसीको बगरमा उनले चियापसल चलाएकी थिइन्। भूकम्प आएपछि भाग्दा माथिबाट खसेको ढुंगा ढाडमा बज्रियो। उनको सहित चार घरलाई पहिरोले पुर्यो। ‘ज्यान बिसन्चो हुनु त साह्रै गाह्रो,’ उनले भनिन्, ‘अहिले बुढाले मलाई दिसापिसाब गर्न लैजान सहारा दिनुपर्छ। उता तीन/तीन केटाकेटी के खाँदा हुन्। पालमा कसरी बसेका होलान् भन्ने चिन्ता लागिरहने।’ घटनाको तीन सातापछि मात्रै उनले अस्पताल आउन पाएकी हुन्। सुरुमा गाउँकै ओखतीमुलोले ठीक हुने ठानेर बस्दा समस्या बढेको उनले बताइन्। ‘२५/२६ दिनपछि अस्पताल आउन पाइयो,’ उनले भनिन्, ‘अहिले लाग्छ जेसुकै भए पनि मान्छेको स्वास्थ्य ठीक हुनुपर्छ। यति भए घरवास बनाइन्छ।’ हिँड्न मिल्ने अवस्था भएपछि आफूलाई छिटो फिर्न र बासको प्रबन्ध गर्न मन भएको उनले सुनाइन्।
बारपाक ७ की ६५ वर्षीया धनमाया गुरुङको पनि आफ्नै खालको समस्या छ। छिटो निको भएर जान मन भए पनि उनलाई चिकित्सकले अझै तीन महिना निगरानीमा रहेर उपचार गराएमात्रै सन्चो हुने बताएका छन्।
घर लडेर थिचिँदा धेरै ठाउँ भाँचिएको उनको देब्रे खुट्टा स्टील लगाएर अड्याइएको छ। ‘म त पँधेरामा लुगा धुँदै थिए। भूकम्प आएपछि घरतिर दौडिएको,’ साथमा रहेकी कान्छी छोरी सन्तमायाले भनिन्, ‘सबै घर लडेर बस्तीमा छिर्नै सकिएन। आमालाई घरले चेपेछ।’
धनमायाका श्रीमान्को निधन भएको ६ वर्ष पुग्यो। जेठी छोरी बिहेपछि ज्वाइँको घर र छोरो काम खोज्न भारत गएका छन्। ‘दाजुले फोन गरेको थियो। उसले आएर पनि अब के गर्छ’, आमाको स्याहार गरिरहेकी सन्तमायाले भनिन्, ‘हामी दुईमात्रै थियौं घरमा। अब आमा बिसेक नभएसम्म म त घर कसरी बन्छ भन्ने नै सोच्दिन।’
धादिङ सदरमुकामबाट ५ घण्टा दूरीको बुढाथुम ५ बेसारीका ९ वर्षीय देवबहादुर कोइराला आफ्ना तीन साथीसँग खोलामा पौडी खेल्न गएका थिए। आमा दिलमाया गाग्रोमा पानी लिएर घर फिर्दै थिइन्। ‘लडाइगो पाल्टाङपुल्टुङ पार्दै। गाग्रो अँठ्याएर बल्लतल्ल बाँचियो। खोला गएको कान्छो छोराको फिक्री भयो,’ दिलमायाले भनिन्, ‘घर सबै लडिगए। खोलातिर पहिरो खसेछ। हामी आमाजति कसैलाई गाउँलेले जान दिएनन्।’
पहिरोले पुरेर देवबहादुरका तीन सहपाठीको ज्यान लियो। ढुंगाले च्यापिएर उनको भने देब्रे खुट्टा भाँचिएको छ। दिलमाया र ज्ञानबहादुरका ५ सन्तानमध्येका काइँला रमेशले भूकम्पको १२ दिनअघि घर छाडेका थिए।
६ कक्षा पढ्दै गरेका उनी पोखरको लेकसाइडस्थित एउटा होटलमा काम गर्न आए। उता घर भत्कियो। भाइ घाइते भएको खबर पाएपछि उनले नै पोखरास्थित बालहितकारी परियोजनाको आवधिक आश्रयमा आमा र भाइलाई हेरबिचार गरिरहेका छन्।
अहिले दिलमायालाई छोरा निको भएर डाक्टरले ‘अब घर गए हुन्छ’ भन्ने दिनको पर्खाइ छ। ‘जाने हो एउटा भंैसीको पाडी छ, बाख्रा छन्,’ उनले भनिन्, ‘गरिबले घर बनाउन गाह्रो छ। तर, ओताउने केही न केही गरिएला। सरकारले पनि हेर्ला भन्ने लाग्छ।’ सबै सकुशल गाउँ फर्कन पाए बासको प्रबन्ध जुट्दै जाने उनले बताइन्।
धादिङकै री गाविस ९ का १२ वर्षीय दिनेश तामाङको पनि देब्रे खुट्टा भाँचिएको छ। ‘त्यो दिन टाउको दुखेर सुतेको थिएँ,’ उनले भने, ‘घर लड्यो। सुतेकै ठाउँमा म किचिएको।’ आमा कान्छीमायालाई छोरा निको हुने दिनको प्रतीक्षा छ। ‘गाउँमा ५ जना मरे, हाम्रा दुइटा भैंसी गोठमै च्यापिए,’ उनले सुनाइन्, ‘मान्छे बाँच्यो भने गुजारा त कसैगरी चल्छ होला। घर बनाउन त गाह्रै छ। कसरी बनाउने भन्ने सोचेकै पो छैन।’
यहाँको आवधिक आश्रयस्थलमा बसेका घाइते र कुरुवाका लागि बसेर गर्न सकिने तालिम पनि चलाइएको बालहितकारीका सुपरभाइजर सुशील केसीले बताए। उनका अनुसार यहाँ आश्रय दिएमध्ये ६५ जना घर फिरेका छन्। ‘अब २९ घाइते र उहाँहरूका कुरुवा छन्,’ उनले भने, ‘हामीले दिने आवधिक आश्रयमा खानबस्न र नियमित स्वास्थ्योपचारको काम हो।’ पोखराका आवधिक आश्रयस्थलमा बसेर फिरेकाले घर बनाउने चाँजोपाजोका लागि सल्लाह र तालिम भने पाएका छैनन्।
घर बनाउन आत्तिनुपर्दैन
स्थानीय स्रोतसाधनको प्रयोगबाट पनि बलियो घर बनाउन सकिने यहाँस्थित पश्चिमाञ्चल इञ्जिनियरिङ क्याम्पसका प्रमुख नारायणप्रसाद गौतमले बताएका छन्। भूकम्पपछि विभिन्न जिल्लामा गर्न सकिने निर्माणको अवलोकन गरेर फर्केका उनले भने, ‘आत्तिनु पर्दैन। अहिलेको बुझाइ पक्की घरमात्रै भूकम्पप्रतिरोधी हुन्छ भन्ने देखियो, त्यसो होइन।’ ढुंगा फुटाएर, तह मिलाएर बनाएका माटो–ढुंगाका पनि काम लाग्ने हुन्छन्।
‘स्थानीय स्रोतको प्रयोग गर्दा ठिक्कको घर ३ लाखमा बन्छ’, उनले भने, ‘चारकोठे पक्कीघर नै बनाउने, भूकम्पप्रतिरोधी विधिमा सम्झौता नगर्ने हो भने १५/१६ लाखको लागत पुग्न सक्छ।’ हाल अलमलमा रहेकालाई आफ्नै घरका काठपात र ढुंगामाटोको प्रयोगले बनाउन सिकाउनुपर्ने उनले बताए। ‘यसका लागि स्थानीयस्तरमा काम गरिरहेका मिस्त्रीले पनि केही सिक्नु जरुरी छ,’ उनले भने, ‘निर्माणमा लापरबाहीले नै जोखिम हुने हो। मिलाएर बनाएका भवन सानोतिनो धक्काले लड्दैन।’
ओस्कार अवार्ड जति चर्चित छ त्यति नै चर्चित यसको रेड कार्पेट । सेलिब्रिटीहरुको पहिरन हेर्नका लागि मात्र पनि मानिसहरु यसको व्यग्र प्रतिक्षा गरिरहेका हुन्छन् । कोही मानिसहरु लेडी गागाले कस्तो पहिरन लगाउने हो भन्ने मानिसहरुको झुण्ड भिन्न छ भने एकथरी मानिसको जमात जेनिफर लोपेजले लगाउने पहिरन कस्तो हुने हो भन्दै प्रतिक्षा गर्ने गर्दछन् । स्मरण रहोस्, लेडी गागाले लगाएको सेतो गाउन १६०० घण्टामा तयार गरिएको थियो जुन आफैँमा एउटा रेकर्ड नै हो । यो गाउनमा क्रिस्टल जोडिएको बताइएको छ । यहाँ हामी ओस्करको रेड कार्पेटमा कुन सेलिब्रिटीले कस्तो पहिरन लगाएका थिए भन्ने तस्बिरहरु दिइएका छन् ।
१. पप म्युजिक जगतमा सनसनी मच्चाउने गागले ओस्कर अवार्डमा जुन सेतो रङको गाउन लगाएकी छिन् त्यसलाई बनाउनमा १६०० घण्टा लागेको थियो ।
२. जेनिफर लोपेज आफ्नो लुकका कारण सधैँ चर्चामा रहने गर्दछिन् । ओस्कारमा पनि उनको यो चर्चा शिखरमा पुग्यो ।
३. एमा स्टोनको यो सुनौलो लुक उनलाई निकै सुहाएको छ ।
४. डकोटा जनसनले रातो रङको निकै साधारण गाउन निकै आकर्षक देखिएको थियो ।
५. जेनिफर एनिस्टन र एमा स्टोन एक–अर्कासँग यस्तो प्रकारले भेटेका थिए ।
६. स्कारलेट जोन्सन आफ्नो हरियो गाउन र नेकपीसमा निकै भिन्न देखिएकी थिइन् ।
७. गायिका रिटा ओराको पहिरन निकै खुल्ला थियो तर उनी यसमा निकै आकर्षक देखिएकी थिइन् ।
८. ओस्कारमा यसपटक सेतो रङको जादु देख्न पाइयो ।
९. एना फेरिस र क्रिस फ्रेटको जोडीलाई रेड कार्पेटमा निकै रुचाइएको थियो ।
१. पप म्युजिक जगतमा सनसनी मच्चाउने गागले ओस्कर अवार्डमा जुन सेतो रङको गाउन लगाएकी छिन् त्यसलाई बनाउनमा १६०० घण्टा लागेको थियो ।
२. जेनिफर लोपेज आफ्नो लुकका कारण सधैँ चर्चामा रहने गर्दछिन् । ओस्कारमा पनि उनको यो चर्चा शिखरमा पुग्यो ।
३. एमा स्टोनको यो सुनौलो लुक उनलाई निकै सुहाएको छ ।
४. डकोटा जनसनले रातो रङको निकै साधारण गाउन निकै आकर्षक देखिएको थियो ।
५. जेनिफर एनिस्टन र एमा स्टोन एक–अर्कासँग यस्तो प्रकारले भेटेका थिए ।
६. स्कारलेट जोन्सन आफ्नो हरियो गाउन र नेकपीसमा निकै भिन्न देखिएकी थिइन् ।
७. गायिका रिटा ओराको पहिरन निकै खुल्ला थियो तर उनी यसमा निकै आकर्षक देखिएकी थिइन् ।
८. ओस्कारमा यसपटक सेतो रङको जादु देख्न पाइयो ।
९. एना फेरिस र क्रिस फ्रेटको जोडीलाई रेड कार्पेटमा निकै रुचाइएको थियो ।
करिश्मा यो क्षेत्रमा लागेर सफलताका थुप्रै सिडी चढ्ने चाहना राख्छिन् । यसका लागि उनीसँग के क्षमता छ त, करिश्माले भनिन्-‘मसँग अभिनय छ, नृत्य छ । अरु कुरा सिक्दै जानुपर्छ । सबैभन्दा ठूलो कुरा मानिसको व्यवहार राम्रो हुनुपर्छ ।’
तपाई कती राम्री ? करिश्माले आफूलाई १० मा ५ नम्बर दिइन् । कस्तो भूमिका गर्न मन छ त, करिश्माले थप्दै भनिन्-‘म अभिनय देखाउने भूमिका गर्न चाहन्छु । सामान्य भूमिका मेरा लागि सुहाउँछ । तर, बोल्ड क्यारेक्टर पनि म गर्न चाहन्छु ।’
बोल्ड क्यारेक्टर भनेको कस्तो, कत्तीको उदारता देखाउन सक्नुहुन्छ तपाई ? प्रश्नमा करिश्माले थपिन्-‘राम्रो कथा आएको खण्डमा मलाई खुल्न आपत्ती छैन । म बोल्ड बन्न सक्छु ।’Karishma Shrestha-1
अनी तपाई व्यक्तीगत रुपमा आफूलाई कत्तीको बोल्ड ठान्नुहुन्छ त ? करिश्माले जवाफ दिइन्-‘म बोल्ड छैन । मैले आफूलाई बाथरुममा नाङ्गो रुपमा हेरेकी छु । मेरो शरीर ठिकै छ ।’
नेपाली चलचित्रमा लामो रेशको घोडा बनेर अगाडि बढ्न चाहेकी करिश्मा आफूले सकेको मिहिनेत यो क्षेत्रमा गर्ने सुनाउँछिन् ।
मुटु तथा रगत सम्बन्धि स्वास्थ्य सुधार्छ- एक अध्ययन अनुसार हप्तामा दुइपटक भन्दा बढि सहवास गर्ने पुरुषमा महिनामा एक पटक भन्दा कम सम्भोग गर्ने पुरुषमा भन्दा हृदयाघात हुने जोखिम आधाले कम हुन्छ ।
रोगप्रतिरोधात्मक क्षमता बढाउँछ- नियमित सहवासले सरीरमा प्रतिरोधात्मक क्षमता बढाउने एन्टीबडी इम्युनोग्लोबुलिन ए (आइजीए) को मात्रा बढाउँछ ।
तनाव घटाउँछ- काम वा पारिवारिक समस्याका कारण तनावमा हुनुहुन्छ ? तनावको असर आफ्नो यौन जिवनमा पर्न नदिनुहोस् । नियमित सम्भोगले उल्टै तपाइँको मूडमा सुधार गरि तनाव कम गरिदिने मात्र होइन तनाव व्यवस्थापन गर्नसक्ने क्षमता प्रदान गर्ने विज्ञहरुको भनाइ छ ।
दुखाइ कम गर्छ- यदि टाउको दुख्यो भनेर सहवास टार्ने कोसिस गर्दै हुनुहुन्छ भने अबदेखि यसो गर्न छाड्नुस् । सम्भोगका बेला सरीरमा अक्जिटोसिन नामक हर्मोनको मात्रा ५ गुणाले बढ्छ । यो हर्मोनले सरीरमा दुखाइ तथा पीडा कम गराउन सहयोग पूराउँछ ।
डिहाइड्रोइपीएन्ड्रोस्टेरोन हर्मोनले जिउमा रोगप्रतिरोधी क्षमता बढाउनुका साथै क्षयिकृत तन्तुहरुको पुननिर्माण गर्नुका साथै छालालाई समेत स्वस्थ राख्न मद्दत गर्छ । एक अध्ययन अनुसार हप्तामा कम्तीमा २ पटक चरम आनन्द प्राप्त गर्ने मानिसहरु केवल हप्ताको एक चोटी चरम आनन्द प्राप्त गर्नेभन्दा धेरै बाँच्ने गरेको पाइएको छ ।
रक्तप्रवाह बढाउँछ- सम्भोगका बेला मुटुको गति बढ्छ, जसबाट ताजा अक्सिजनयुक्त रगत सरीरका अंगअंग तथा कोषहरुमा संचार हुन पाउँछ । साथै यस क्रममा जिउमा उत्पन्न हुने विषाक्त पदार्थ तथा अन्य हानिकारक पदार्थ निष्कासन समेत सहज हुन्छ ।
मिठो निद्रा पर्छ- निद्रा कम पर्ने तथा गहिरो निद्रा नपर्नेहरुका लागि सहवास उपयुक्त उपचार हुनसक्छ । रातको सहवासले गहिरो तथा आरामदायी निद्रा पर्नमा सहयोग गर्छ । मीठो निद्रा परेपछि मानिसको स्वास्थ्य तथा मूड समेत राम्रो बन्दछ ।
तन्दुरुस्तीमा वृद्धि गर्छ- आधा घण्टाको सम्भोगका क्रममा ८० क्यालोरी उर्जा दहन हुन्छ । वैज्ञानिकहरुले गरेको पछिल्लो अनुसन्धानले समेत उर्जा दहनका लागि कडा व्यायाम जत्तिकै प्रभावकारी कार्य सहवास पनि हो । यसले मोटोपना घटाउन तथा सरीरका तन्तुहरुलाई स्वस्थ रहन मद्दत गर्दछ ।
धैर्यवान तथा स्वस्थ बनाउँछ- सहवासले पुरुषमा टेस्टेस्टेरोन तथा महिलामा ओस्ट्रोजेन हर्मोनको मात्रामा वृद्धि गर्छ । टेस्टेस्टेरोन हर्मोनले यौनक्षमतामा मात्र नभै मांशपेसीको मजबुती, हड्डीको मजबुतीका साथै कोलेस्टेरोल क मगर्ने र मुटुलाई स्वस्थ राख्ने काम गर्छ । टेस्टेस्टेरोन हर्मोनले पुरुषको मानसिक स्वास्थ्यमा समेत लाभ पूराउने र धैर्यताको सीमा बढाइदिन सहयोग गर्छ । त्यस्तै ओस्ट्रोजेनले महिलालाई मुटुरोगबाट बचाउन सहयोग गर्छ । श्रोत-टाइम्स अफ इण्डिया
उहाँ जस्तै दोलखाकी पवित्रा कार्की पनि क्यान्सरबारे निकै सचेत हुनुहुन्छ । त्यसैले उहाँ नियमित स्वास्थ्य जाँच गराउन अस्पताल जानुहुन्छ । तर सबैजना क्यान्सरबारे सचेत छैनन् । यस्तै मध्येमा पर्नुहुन्छ, ललितपुर ईमाडोलकी निरु थापा । क्यान्सर कसरी लाग्छ र लागेपछि के गर्नुपर्छ भन्ने बारे आफूलाई केही थाहा नभएको उहाँ बताउनुहुन्छ ।
थापा जस्तै अधिकांश अझै पनि क्यान्सरबारे अनविज्ञ छन् । रोगबारे जानकारी नहुनु, अस्वस्थ्य खानपान र अव्यवस्थित जीवनशैलीका कारण नेपाल सहित विश्वभर अहिले क्यान्सरका बिरामी बढ्दै गएका छन् ।
के हो पाठेघरको क्यान्सर
पाठेघरको मुखको क्यान्सर, पाठेघरको मुखमा नियन्त्रण भन्दा बढी कोषीकाहरु वृद्धि भएपछि क्यान्सर हुन्छ । डाक्टरहरुका अनुसार पाठेघरको मुखको क्यान्सर हुने कारण यहि हो भन्ने नभएपनि यसको मुख्य कारक तत्व भाइरल संक्रमण हो । डाक्टर रश्मी पुन गुरुङका अनुसार पाठेघरको क्यान्सर शारीरिक सम्पर्क गरेरकाहरुलाई हुन्छ ।
शारीरिक सम्पर्कका बेला केटा मान्छेबाट आउने ह्युमन पापिलोमा नामक किटाणुका केही प्रजातिका कारण पाठेघरको मुखमा क्यान्सर हुन्छ । ‘यो ईन्फेक्सन केटाबाट केटीमा सर्छ त्यसैले शारीरिक सम्पर्क गर्दा ध्यान दिनुपर्छ, धेरै जनासँग सम्पर्क राख्ने केटासँग सम्बन्ध राख्नुहुँदैन’ डाक्टर रश्मी पुन गुरुङले भन्नुभयो ।
शारीरिक सरसफाईमा ध्यान नदिनाले र धैरैसँग सम्पर्कमा आउनेलाई यो क्यान्सर लाग्ने डाक्टर गुरुङले बताउनुभयो । धेरै शारीरिक सम्पर्कमा आउने महिलाको पाठेघरको मुखमा संक्रमण हुने र ह्युमन पापिलोमा नामक किटाणुले पाठेघरको मुखमा रहेका कोषिकाहरुमा संक्रमण गर्ने र त्यसलाई अनियन्त्रित तवरले बढाउन मद्दत पुर्याउने उहाँले बताउनुभयो ।
खतरा कसलाई
* शारीरिक सम्पर्कमा रहेका वा प्रजनन क्षमता भएका जोसुकैलाई पनि यो रोग लाग्छ । विशेषगरी ३० देखि ६० वर्ष उमेरका महिला, जसको विहे भैसकेको छ ।
* धेरै बच्चा भएका, सानो उमेरका विवाह भएकालाई ।
* यौन व्यवसायमा लागेका महिला वा परपुरुषको संसर्गमा रहेकालाई ।
* लोग्नेको अर्की श्रीमती पनि छन् र उनलाई पाठेघरको मुखको क्यान्सर भएको छ भने पनिसर्न सक्छ ।
* जाँड, रक्सी, चुरोट, खैनी, तमाखु खाने तथा खानपिनमा ध्यान नदिने र कुपोषण भएका महिलालाई खतरा बढी हुन्छ ।
लक्षण
पाठेघरको मुखको क्यान्सरको लक्षण व्यक्तिपिच्छे फरक फरक हुन्छ ।
* गन्हाउने पानी बग्ने
* संक्रमण भैरहने
* रगत मिसिएको पानी बग्ने
* महिनावारी नभएको बेलामा पनि रगत देखिने, महिनावारी रोकिएपछि पनि फेरि रगत देखिने
* पेट फुल्ने
* खुट्टा सुन्निने, ढाड तथा कम्मर लुख्ने र दिसा पिसाबमा समस्या देखिने ।।
कसरी बच्ने ?
पाठेघरको मुखको क्यान्सर हुन नदिन बेला बेलमा प्याप स्मेयर जाँच गराउनु पर्छ । प्याप स्मेयर एउटा यस्तो विधि हो, जसमा पाठेघरको मुखमा आएका खराबीलाई थाहा पाई भविष्यमा खतरा छ कि छैन पत्ता लाग्छ ।
यो विधिले पाठेघरको मुखमा संक्रमण भएकोबारे बेलैमा थाहा पाउने भएकाले उपचारमा सहज हुन्छ । डाक्टरका अनुसार यो पाठेघरको मुखको क्यान्सर हुने सम्भावना छ छैन भन्ने पत्ता लगाउने सरल र सहज विधि हो ।
यौन सम्पर्क गरेका, धेरै बच्चा जन्माएका, धेरै जनाको सम्पर्कमा रहेका, महिनावारी बन्द भएका र क्यान्सरको सम्भावना भएर अपरेशन गरेका महिलाले पाठेघरको मुखको परीक्षण गराए क्यान्सर लाग्ने सम्भावना कम हुने डाक्टर बताउँछन् । यस्तै सुरक्षित यौन सम्पर्क गरे पनि यसबाट जोगिन सकिन्छ ।
